Ciidanka AMISOM iyo kuwa Jubaland oo dib ula wareegay jasiiradda Kudhaa

Kismaayo:-Taliska ciidanka AMISOM ayaa warsaxaafadeed uu soo saaray waxay ku sheegeen in ciidanka AMISOM gaar ahaan kuwa Kenya iyo Ciidanka Jubaland ay maanta dib ula wareegeen jasiiradda Kudhaa oo 150 km dhinaca koonfur uga beegan magaalada Kismaayo.

Ciidanka Al Shabaab ayaa isaga baxay jasiiradda Kudhaa ka dib markii ay ka war heleen in ciidanka AMISOM iyo kuwa Jubaland ay ku soo wajahan yihiin jasiiradda Kudhaa . Aadan Koojaar Taliyaha ciidanka maamulka Jubaland oo warbaahinta la hadlay ayaa sheegay in ciidanka Juba oo kaashanaya kuwa AMISOM ee Kenya ay dib ula wareegeen jasiiradda Kudhaa iyada aysan wax dagaal ah uusan ka dhicin.

Diyaaradaha dagaalka ee kuwa Kenya ayaa duqeymo kala duwan ka geystay jasiiradda Kudhaa iyo nawaaxigeed oo ay ku sugnaayeen ciidamo ka tirsan kooxda Al-Shabaab.

Ilaa haatan ma jiraan wax war ah oo ka soo baxay hogaanka kooxda Al-Shabaab ee ku aaday qabsashada jasiiradda Kudhaa.

Cabdi Yare
Kismaayo