Dowladda Talyaaniga oo ku wareejisay Ciidamada Milateriga DFS 54 gaari oo kuwa ciidanka ah (Masawiro)

Muqdisho:-Munaasabad balaaran oo lagu qabtay Dekedda weyn ee magaalada Muqdisho ayaa waxaa lagu wareejiyey ciidanka DFS agab milatari oo kala duwan waxaana deeqdaas siiyey DFS dowlada Talyaaniga

Saraakiisha ciidanka DFS ayaa kala wareegay saraakiil ka tirsan ciidanka dalka Talyaaniga gawaari  hamuul ah oo lagu daadgureeyo ciidanka kuwaas oo gaaraya 54 gaari.

Taliyaha ciidamada DFS Jen Daahir Aadan Cilmi Indha Qarshe  ayaa sheegay in 54 gaari loogu talo galay ciidamada Booliska Mileteriga,iyo Nabadsugida wuxuuna mahad balaaran u jeediyey dowlada Talyaaniga.

Jen Bernando Mencaraglia oo ah sarkaal ka socday  wasaaaradda gaashandhiga Talyaaniga ayaa sheegay in gawaarida lagu wareejiyey maanta ciidanka DFS ay qeyb ka tahay balanqaad ay dowladiisa u fidisay ciidanka DFS.

no images were found

Wasaarada G/dhig Soomaaliya ayaa sanad ka hor heshiisyo kala duwan la soo saxiixatay wasaarada G/dhiga dowlada Talyaaniga waxaana ay ku heshiiyeen in laga taageero ciidanka DFS agabka kala duwan ee ciidanka u baahan yahay.

A/Cawale
Halgan.net