Madaxweynaha Jubbaland oo dib ugu laabtay magaalada Kismaayo (Dhageyso)

Kismaayo:-Madaxweynaha Jubbaland Sh Axmed Maxamed Islaan (Axmed Madoobe )ayaa maanta dib ugu soo laabtay magaalada Kismaayo ee xarunta Jubada Hoose waxaana si weyn loogu soo dhaweeyey magaalada Kismaayo.

Madaxweynaha J/land Axmed Madoobe ayaa waxaa garoonka diyaaradaha waxaa ku soo dhaweeyey Madaxweyne ku xigeenka Jubbaland Cabdullaahi Sheekh Ismaaciil,waxgarad ,Xildhibaano iyo Saraakiil ka tirsan ciidanka J/land.

Madaxweynaha J/land ayaa markii uu tagay magaalada Kismaayo waxaa uu la hadlay saxaafada wuxuuna sheegay in warmurtiyeedka ka soo baxay shirkii Xamar lagu lafo guri doono shirka lagu qaban doono magaalada Kismaayo 10-ka bisha Janaayo .

Dhanka kale waxaa uu ka hadlay nabadeyntii colaadii ka dhacday magaalada Gaalkacyo wuxuuna sheegay in guul laga gaaray isaga oo sheegay in Isimada Puntland ay dowr weyn ka qaateen nabadeynta magaalada Gaalkacyo

Madaxweynaha J/land ayaa sidoo kale ugu baaqay odayaasha iyo waxgaradka gobalka Hiiraan in loo istaago soo afgarida colaada ka soo cusboonaatay magaalada B/weyne.

Hoos Ka Dhageyso Shirjaraa,id uu Madaxweynaha J/land ku qabtay magaalada Kismaayo ee xarunta gobalka J/Hoose

Cabdi Yare
Kismaayo