Mareykanka oo sheegtay in duqeyn ay ku dileen Sarkaal ka tirsanaa Al-shabaab

Kismaayo:-Wasaaradda Gaashaandhiga ee Maraykanka ayaa shaacisay in weeraro dhinac cirka ah oo ay ka fuliyeen dalka Soomaaliya ay ku dileen Saraal ka tirsanaa Al-shabaab oo magaciisa ay ku sheegeen C/raxmaan Sandheere oo loo yaqaanay Cukaashe.

Afhayeenka u hadlay wasaaradda Gaashaandhiga Mareykanka Cap,Jeff Davis ayaa sheegtay in duqeyn ay ka geysteen dalka Soomaaliya 2-dii bisha December ay ku dileen C/raxmaan Sandheere oo loo yaqaanay Cukaashe oo ahaa Sarkaal ka tirsana Ururka Al-shabaab.

Maalmihii la soo dhaafay ayaa diyaaradaha Maraykanka ee aan lahayn duuliyaha waxaa ay duqeyn ka geysteen deegaan ku dhow Kuunyo-barow oo ka tirsan gobolka Shabeellada Hoose oo ay gacanta ku hayaan Ururka Al-shabaab. Halkaan ka eeg qoraaka wasaaradda difaaca ee Maraykanka 

Dhinka kale Wasaaradda Gaashaandhiga Maraykanka ayaa sidoo kale sheegtay iney duqeyn ay ka geysteen dalka Libiya 13. 11.2015 November ay ku dileen Abul Nabil oo ahaa Sarkaal ka tirsanaa ururka ISIS ee dalka Libiya. Halkaan ka eeg qoraaka wasaarada difaaca ee duqeyntii Libiya

Sheegashada Wasaaradda Gaashaandhiga oo ah in ay dileen C/raxmaan Sandheere oo loo yaqaanay Cukaashe oo ahaa Sarkaal ka tirsan Al-shabaab ayaan ilaa hadda aysan ka hadal Madaxda Al-shabaab.

Dowladda Maraykan ayaa dhow jeer oo hore waxaa ay duqeymo ku dileen Saraakiil ka tirsanaa Al-shabaab kuwaas oo iskugu jiray Muhaajiriin iyo Soomaali iyadoo weeraro duqeynta ah ay ka dhaceen deegaanada ay weli gacanta ku hayaan ururka Al-shabaab.

M_M_Deeq
Halgan.net