Nin Mareykan ah oo isku soo dhiibay ciidanka DFS ee ku sugan degmada Baraawe.[Dhagayso]

Muqdisho:-Nin la sheegay inuu u dhashay dalka Maraykanka oo ka tirsanaa kooxda Al-Shabaab ayaa isku soo dhiibay ciidamada dawladda Soomaaliya iyo kuwa Amisom ee ku sugan magaalada Baraawe, sida uu VOA u xaqiijiyay gudoomiyaha degmada Baraawe Xuseen Maxamed Barre.

Wararka ayaa waxa ay intaasi ku darayaan in ninkan uu kasoo baxsaday dagaalka dhex maraya Al-Shabaab ee ku saleysan ka mid noqoshada kooxda Daacish ama in lagu si jiro kooxda Al-Qaacida.

Gudoomiyaha degmada Baraawe Xuseen Maxamed Barre, waxa uu sheegay in ninkan uu u sheegay in la doonayey in la dilo, sidaas darteedna uu naftiisa u cabsaday, oo uu soo cararay. Ninkan ayaa kasoo baxsaday dagaalka dhex maraya Al-Shabaab ee ku saleysan ka mid noqoshada kooxda Daacish.

Ninkan oo weli aan magaciisa la sheegin, waxaa sidoo kale laga soo xigtay in dad ay saaxiibo ahaayen oo ajaaniib ahaa ay dileen maleeshiyada koxoda Al-Shabaab. Saraakiisha ciidamada Amisom ayaa iminka baaritaan ku haya ninkan.

Wariyaha VOA Ridwaan Xaaji ayaa waraystay gudoomiyaha degmada Baraawe Xuseen Maxamed Barre, ugu horrayna waxaa uu weydiiyay in uu faahfaahiyo ninka la qabtay.

Hoos ka dhagayso muwaadinka u dhashay Mareykan ee isku Dhiibay ciidanka Dowladda Federaalka  iyo AMISOM

Source: VOA