Qarax ka dhacay jidka Maka Al-mukarama ee magaalada Muqdisho

Muqdisho:-Waxaa maanta ka dhacay magaalada Muqdisho gaar ahaan goob u dhexeysa Hotelka Maka Al-mukarama iyo Shaleema Soomaaliya qarax lagu soo xiray baabuur qaraxaas oo galaaftay nolosha 3 qof halka qarax ay ku dhaawacmeen ilaa 19 qof oo kale. Khasaaraha ka dhashay Qarax ayaa waxaa ugu badnaa dad rayid ah oo ku sugnaa Carwada al-Kowsar oo ku taala Jidka Makal al-Mukarama oo ah wado aad u mashquul badan.

Qarax dadka dhaawac uu ka soo gaaray ayaa waxaa ka mid ahaa guddoomiyihii hore ee Gobolka Gal-gaduud Xuseen Cali Weheliye Cirfo iyo Taliyaha saldhiga booliska ee degmada Waabari Cali Muuse iyo 4 ka mid ah ilaaladiisa.

Warar soo baxaya ayaa sheegaya guddoomiyihii hore ee Gobolka Gal-gaduud Xuseen Cali Weheliye Cirfo gaarigiisa si toos ah loo bartmaamsaday ka dibna uu soo gaaray dhaawac sahlan.

Ururka Al-shabaab ayaa sheegtay qaraxa ka dhacay Makal al-Mukarama iyagoo sheegay in ay ku bartilmaamsadeen saraakiil ka tirsan ciidanka dowladda Federaalka ee Soomaaliya.

A/cawaale
Halgan.net