Sh.Axmed Yusuf Daad oo ka digay Shiicada sheegayna in aysan Hay’addo shiico ah ku arag Qardho.[Dhagayso]

Qardho:-Sheekh Axmed Yusuf Daad ayaa waxaa uu ka digay in Madhabka Shiicada lagu faafiyo gudaha Soomaaliya isagoo Sheekhuna uu xusay in culimada Soomaaliya ay arrintaas ay ka digeen loona baahan yahay in dadweynaha Soomaaliyeed iyo Madaxdooduba ay si wada jir ah uga hortagaan.

Sh.Axmed Yusuf Daad ayaa bogaadiyey howl galka ay ciidanka nabadsugida ee dowladda Federaalka Soomaaliya ay ku qabqabteen 3 nin oo shiico ah oo lagu qabtay iyagoo faafinayey Madhabka shiicada iyadoona lagu eedeeyey in ay Muqdisho iyo Qardho ay ka wadeen arrinkaas.

Sh.Axmed Yusuf Daad ayaa xusay in deegaanada Puntland aysan ka jirin wax Madhab ah oo shiico oo lagu faafiyo isagoo Sheekhu xusay in ilaa hadda wax muuqda aysan arag goob ama hay’addo shiico ah oo soo galay Puntland ama jooga Qardho.

Hoos ka Dhagayso waraysiga Shiikh Axmed Yusuf Daad

M_M_Deeq
Halgan.net