Colaad dib uga soo cusboonaatay magaalada B/weyne ee gobalka Hiiraan

Wararka ka imaanaya magaalada Baladweyne ee xarunta Gobolka Hiiraan gaar ahaan Degaanka Buq-Matoor ayaa sheegaya inuu halkaas ka dhacay iska horimaad culus oo dhexmaray Labo Maleeshiyo Beelood oo oodwadaag ah.

Dagaalka ayaa waxaa uu daba socdaa dagaal horey u dhexmaray labada beelood kaas oo ka dhacay Xaafadda Holwadaag Ee Galbeedka Baledweyne.

Iska horimaadka maanta ka dhacay duleedka magaalada B/weyne ayaa waxaa ku dhintay 6 ruux waxaana ku dhaawacmay tiro intaas ka badan.

Barakac ayaa waxaa uu sababay dagaalka ka soconaya Degaanka Buq-Matoor ee Gobolka Hiiraan. Culumada iyo waxgaradka ,Nabadoonada ayaa u istaagay dajinta dagaalka fitanta ee ka soo cusboonaaday magaalada B/weyne waxaana socda dadaalo badan oo lagu joojinayo colaad ka jirta deegaanka Buq-Matoor ee Gobolka Hiiraan.

A/Cawale
Halgan.net