Madaxweynaha Gal-Mudug Cabdikariin Xuseen Guuleed oo soo gaaray magaalada Muqdisho

Muqdisho:-Wararka naga soo gaaray magaalada Muqdisho ayaa sheegay Madaxweynaha Gal-Mudug C/kariin Xuseen Guuleed uu saaka soo gaaray magaalada Muqdisho waxaan ku soo dhaweeyey garoonka diyaaradaha ee Aadan Cadde ee magaalada Muqdsho, Wasiiro ,Xildhibaan iyo Saraakiil ka tirsan Ciidanka dowladda Federaalka ee Soomaaliya.

Madaxweynaha Gal-Mudug Cabdikariin Xuseen Guuleed ayaa waxaa uu magaalada Muqdisho uu uga qayb gali doonaa Shirka wadatashiga Qaran ee madaxda soomaalida oo la filayo in uu ka furmo magaalada Muqdisho. Madaxweyaa Gal-Mudug ayaa la filayaa isagana in uu kulamo la qaato xubno ka tirsan beesha caalamka ee ku sugan magaalada Muqdisho.

Magaalada Muqdisho ayaa maalintii shalay waxaa soo gaaray Madaxweynaha dowladda Puntland Dr.Cabdiweli Maxamed Cali Gaas, madaxweynaha Jubaland Axmed Maxamed islaan (Axmed Madoobe) iyagoo la kulmay xubno ka tirsan beesha caalamka oo iyaga u kala dab qaadaya madxda Soomaalida ka dib markii ay ku hishiin waayeey shirkii wadatashiga ee ka dhacay magaalada Kismaayo.

Shirka wadatashga Qaran ee madaxda Soomaaliya ee ka dhici doona magaalada Muqdisho ayaa waxaa la garanaynin ilaa hadda wax ay ku hishiin doonaa madaxda Soomaalida ee hadda jira oo weli ay ka dhex taagan tahay is qabqabsi iyo aragtiyo kala duwanaansho ku saabsan qaabka loo soo xulayo Xildhibaanada dowladda Federaalka Soomaaliya marka la gaaro bisha Augasto 2016.

A/cawaale
Halgan.net