Wafti ka socda wasaaradda caafimaadka Puntland oo kormeer Shaqo maanta uga bilawday Gobolka Mudug

October 5, 2020 - Written by Editor

Gaalkacyo:-Wafti ka socda wasaaraadda caafimaadka Puntland oo uu hogaaminayo wasiir kuxigeenka wasaaradda Abdinaasir Yuusuf Xaji ayna weheliyaan agaasimaha guud iyo agaasimaha waaxda caafimaad guud ayaa kormeer shaqo maanta uga bilawday gobolka Mudug.

Waftiga ayaa kormeerkooda maanta ka bilaabay xarumaha caafimaadka ee bacaadweyn waxayna xarumaha ay booqdeen ka waraysteen shaqaalaha xaalada caafimaad iyo baahiyaha ka jira. Isxog waraysi ka dib waxay la wadaageen talooyinkooda waxayna fareen inay bulshada adeega ay uhayaan laba jibaaraan ayna xasuusnaadaan in caafimaadku yahay laf dhabarka nolosha aadanaha.

Waftigaan ayaa uga sii gudbi doona degmooyinka gobolka Mudug waxayna booqan doonaan xarumaha caafimaadka iyagoona muhiimada booqashadoodu ay tahay in la ogaado adeega wasaaraddu ugu talagashay inay bulshada gaartay, hadii ay jiraan baahiyo ka jira loo dhamaytiro.

Wasaaradda ayaa qorshaynaysa inay kor uqaado wacyigalinta iyo diyaargarowga xanuuno laga yaabo inay dilaacaan marka ay da’aan roobabka, bulshadana loogala talin lahaa inay ilaaliyaan nadaafada biyaha ay cabayaan xili roobaadka.

Dhamaad-
XAFIISKA WARFAAFINTA WASAARADA CAAFIMAADKA DOWLADDA PUNTLAND.

Leave a Reply

Your email address will not be published. Required fields are marked *

*

* Copy This Password *

* Type Or Paste Password Here *

240,471 Spam Comments Blocked so far by Spam Free Wordpress

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>