Madaxweynaha Hirshabeelle oo ka tacsi yeeyey geerida Taliyihii Ururka 6aad ee Ciidanka Gorgor

June 4, 2021 - Written by Editor

Jowhar:-Madaxweynaha Dowladda Hirshabeelle Mudane Cali Guudlaawe Xuseen oo ku hadlaya Afka Golayaasha Dowladda iyo Shacbiga Hirshabelle ayaa ka tacsiyeeyey geeridii naxtinta lahayd ee ku timid Allaha u Naxariistee Taliyihii Ururka 6aad ee Guutada Gorgor Ciidanka Xoogga Dalka Soomaaliyeed Korneyl Maxamed Cabdiwaaxid Faarax oo maanta ku geeriyooday deegaanka labi buroole ee Gobolka Shabeellaha Dhexe.
Marxuumka ayaa geeriyooday isaga oo gudanaya waajibaadkii ka saarna difaacida Dalka iyo Dadka Soomaaliyeed, cadowga argagixisada ahna ka xureeyay deegaano badan.

Madaxweynaha ayaa tacsi u diray dhamaan Qoyskii Qaraabadii Asxaabtii iyo Ciidanka Xoogga Dalka Soomaaliyeed ee uu ka baxay Allaha u Naxariistee Korneyl Maxamed Cabdiwaaxid Faarax.

Madxaweyne Cali Guudlaawe ayaa Alle uga baryay Marxuumka inuu Janatul Fardawsa ka waraabiyo, Ehelada, Qaraabada iyo Asxaabta uu ka baxayna Samir iyo Iimaan Eebbe ka siiyo.
AAMIIN AAMIIN AAMIIN
-DHAMAAD-

Leave a Reply

Your email address will not be published. Required fields are marked *

*

* Copy This Password *

* Type Or Paste Password Here *

253,663 Spam Comments Blocked so far by Spam Free Wordpress

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>