Ciidanka DFS iyo kuwa Galmudug oo deegaano kala wareegay Al Shabaab.

Camaara:-Ciidamada DFS  iyo kuwa daraawiishta Galmudug,  ayaa maanta kooxda Al Shabaab ee dhibka badan ku haya umada Soomaaliyeed  kala wareegay deegaano hor leh, kuwaas oo hoostago degmada Xarardheere ee gobalka Mudug.

Kooxda Al-Shabaab ayaa isaga cararay deegaanka Miliqo oo u dhow Xarardheere waxaan goordhaw gudaha u galay ciidamada DFS iyo kawa daraawiishta Galmudug .

Ciidmada DFS iyo kuwa Daraawiishta Galmudug ayaa sidoo kale la wareegay deegaanada  Dabagalo,Cell Cabdi iyo kuwa kale.

Wararka ka imaanaya deegaanada Galmudug ayaa  sheegaya in  ciidamada DFS iyo Galmudug ay ku wajahan yihiin  degmada Xaradheere ee gobolka Mudug.

Ciidamada DFS iyo kuwa Daraawiishta Galmudug ayaa saaka ka dhaqaaaqay  Degmada  Camaara ee gobolka Mudug taas oo ay ciidamada huwanta ka ceyriyeen kooxda  Al-shabaab maalmo ka hor .

Degmada Xarardheere ayaa ah saldhiga ugu weyn ee gobalka Mudug oo ay Al-Shabaab  ka soo abaabulaan duulaanada iyo qaraxyada ay ka geystaan  deegaanada Galmudug iyo Puntland.

M_M Deeq

Halgan.net