Ra’iisul wasaare Rooble oo dib ugu laabtay Muqdisho

Nairobi:-Ra’iisul Wasaaraha XFS Mudane Maxamed Xuseen Rooble iyo Wefdigiisii ayaa dalka dib ugu soo laabtay ka dib booqasho 3 maalmood ah oo uu ku tagay Kenya, halkaas oo uu kula kulmay madaxweynaha Kenya, mas’uuliyiin kale, Jaaliyadda Soomaalidaa ee Kenya iyo wakiillada Beesha Caalamka.

Ra’iisul Wasaaraha XFS Maxamed Xuseen Rooble ayaa intii uu ku sugnaa magaalada Nairobi ayaa kulan la qaatay Xildhibanada Soomaaliyeed ee ku jira Baarlamaanka Kenya oo ay kawada hadleen xiriirka labada waddan iyo danaha dadka Soomaaliyeed ay ku leeyihiin dalka Kenya.

Ra’iisul Wasaaraha XFS Maxamed Xuseen Rooble ayaa sidoo kale kulan la qaatay Ra’iisul Wasaarihii hore ee Soomaaliya Mudane Cumar C/rashiid Sharmarke kaas oo ay iska xog-wareysteen xaaladda dalka iyo doorashooyinka .

A/cawaale
Halgan.net