Madaxweynaha Hirshabelle oo gaaray Dhuusamareeb

Dhuusamareeb:-Madaxweynaha Hirshabelle Maxamed Cabdi Waare iyo wafdi uu hogaaminayo ayaa saaka gaaray magaalada Dhuusamareeb ee caasimada Gal-Mudug oo maalinta beri  ah uu ka furmi doona shirka maamul goboleedyada dalka.

Wafdiga Madaxweynaha Hirshabeele ayaa waxaa soo dhaweeyey Madaxweynaha Gal-Mudug Axmed Qoorqoor waxaan si wada jir ah ay saxafadda kula hadleen guriga Madaxtooyada ee Maamulka Gal-Mudug iyagoona ka hadlay ahmiyadda shirka beri ka furmi doona magaalada Dhuusamareeb ee xarunta Gobolka Gal-gaduud.

Madaxweynaha Hirshabeele Maxamed Cabdi Waare iyo wafdigiisa ayaa waxaa geeyey magaalada Dhuusamareeb diyaarad Helikabtar ah oo laga leeyahay Qaramada Midoobay, Saacadaha soo socda ama maalinta beri ah aya la filayaa in ay magaalada Dhuusamareeb ay soo gaaraan madaxweynayaasha kale ee dowladda Goboleedyada.

A/cawaale
Halgan.net