Wasaaradda diinta awqaafta S/land oo baaritaan ku samaynaysa Jaamacadda Barwaaqo iyo Abaarso School

Hargeysa:-Wasaaradda diinta awqaafta Somaliland oo ka hadashay tuhunka Jaamacadda Barwaaqo iyo Abaarso School.Warsaxaafadeed ka soo baxay Wasaaradda diinta awqaafta Somaliland ayaa lagu yiri ” Sida aad la wada socotaan, waxaa maalmahan soo baxaya tuhunno la xidhiidha Jaamacadda Barwaaqo iyo Iskuulka Abaarso , iyada oo la sheegayo in maamulaha Jaamacaddaasi ay tahay Baadariyad faafinaysa Diinta Kiristanka.

Haddaba, Wasaaradda Diinta iyo Awaaafta oo kaashanaysa Wasaaradda Waxbarashada iyo Sayniska, waxa ay baadhayaan oo ay gacanta ku hayaan tuhunnadaasi soo baxaya. Sidaa daraadeed, dadweynaha waxaa laga codsanayaa in ay dhawraan natiijada baadhitaanka ee arrintani.
Allaa mahad leh.
—- Dhamaad—-