Ciidanka Booliska Gaalkacyo oo howl galo ay sameeyeen ku qabtay ilaa 12 qof

Gaalkacyo,Sept,  21 Ciidamada Booliska ee magaalada Gaalkacyo ee xarunta Gobolka Mudug ayaa xalay ilaa saaka howl galo ay ka sameeyeen  xaafadaha magaalada Gaalkacyo waxaa ay ku soo qabteen ilaa 12 qof oo looga shakisan yahay in ay ka danbeeyeyn dilkii xalay magaalada loogu geystay xilibaan ka tirsanh golaha wakiilada Puntlland.

Ciidanka Booliska magaalada Gaalkacyo ayaa ilaa saaka wada baadi goob ay ku raadina yaan cidii ka danbaysay ama fulisay dilkii xalay ka dhacay Gaalkacyo, magaalada Gaalkacyo ayaa ilaa intuu uu ka dhacay dagaalka waxaa ay ka nasatay dilal qorshayn oo ka dhici jiray magaalada dilalkaas oo lagu bartil maamsan jiray xubnaha ka tirsan maamulka iyo dadka waxgaradka ah ee ku nool magaalada.

Dadka ay ciidanku soo xireen ayaa waxaa ay inta badan ka soo qabteen xaafada Israac oo ah goobta lagu dilay allaha u naxariistee xilibaan Cabdiraxmaan Maxamuud Xaaji oo lagu naanayso (Koodhaa).
Saraakiisha ciidanka amaanka ee magaalada Gaalkacyo ayaan ilaa hadda uga warami saxaafada in ay cid rasmi ah u qabteen dilkii xalay dhacay iyo howl galada ay sameeyeen wax natiijo ka soo baxday.

M_M_Deeq
Halgan.net