Qarax waxyeelo geystay oo ka dhacay suuqa Bacaad

Muqdisho:-Wararka naga soo gaaraya magaalada Muqdisho ayaa sheegaya in Qarax loo adeegsaday gaari waxyaabaha qaraxa ay ka buuxaan uu goor-dhow ka dhacay suuqa labaad ee magaalada Muqdisho ee Suuq Bacaad qaraxa ayaa geystay khasaaro kala duwan

Muxyadiin Xasan Jurrus oo ah Guddoomiyaha degmada Yaaqshiid oo la hadlay warbaahinta goordhow ayaa sheegay in qaraxa ay ku dhaawacmeen   saddex qof oo rayid ah wuxuuna qaraxa ku eedeeyey ururka Al-Shabaab.

Guddoomiyaha degmada Yaaqshiid  Muxyadiin Xasan Jurrus ayaa sheegay in ay gacanta ku dhigeen nin ay ku tuhmayaan in uu  gaariga dhigay wadada dhinaceeda wuxuuna ku faanay in weerarka ay fashiliyeen

Qaraxa ka dib ayaa waxaa goobta soo gaaray ciidamo ka tirsan DFKM waxaana ay xireen isku socdka gaadiidka iyada oo hakad uu galay ganacsiga Suuq Bacaad waloow markii danbe dib loo furay.

Ilaa haatan ma jiraan cid sheegatay qaraxa ka dhacay maanta suuqa labaad ee magaalada Muqdisho Suuq Bacaad .

A/Cawale
Halgan.net