.gif)
Qarax ka dhacay Degmada Qansax-dheere ee gobolka Bay
June 23, 2012 - Written by
Muqdisho:-Waxaa maanta qarax miino oo ka dhacay Degmada Qansax-dheere ee gobolka Bay lala eegtay Makhaayad laga shaaheeyo oo ay ku sugnaayeen ciidanka DFKM iyadoo markii qaraxu dhacay ay ciidanka DFKM ay fureen rasaas fara badan. Goobjoogayaal ku dhawaa goobta uu qaraxu ka dhacay ayaa saxaafada u sheegay in ilaa 3 askari oo ka tirsan DFKM ay ku dhaawac meen halka sarkaal u hadlay dhinac ciidanka DFKM uu sheegtay in ciidankiisu ay dileen ilaa 3 dhalinyaro ah oo ka tirsan ururka Al-shabaab oo qarxa fuliyey.
Afhayeen u hadlay Ururka Al-shabaab ayaa saxaafada u sheegay in weerarka ka dhacay Degmada Qansax dheere ee gobolka Bay ay ku dhaawaceen saraakiil ka tirsan ciidanka DFKM, goobta qarax ka dhacay ayaa waxaa uu sheegay afhayeenka ururka Al-shabaab in ay ahayd goob ay ku shaahaynayeen Saraakiil iyo ciidamo ka tirsan DFKM. Xaalada degmada Qansax-dheere ayaa qaraxu markii uu dhacay jawigu is bedelay iyadoo dadka degaanka ay cabsi ka abuureen qarax ka dhacay degmada walow markii danbe uu jawigu caadi ku soo noqday.
A/cawaale
Halgan.net
