Saraakiil ka socda Hay’adda ICRC oo gaaray magaalada Kismaayo

Kismaayo:-Waxaa maanta gaaray magaalada Kismaayo ee xarunta gobolka Jubada Hoose Saraakiil ka socda Hay’adda Laan qeybta Cas ee ICRC , wafdigaan ka socda Hay’adda ICRC ayaa markii ay gaareen magaalada Kismaayo waxaa ku soo dhaweeyey guddoomiye ku xigeenka maamulkii hore ee magaalada Kismaayo Yaasiin Nuur Gaas iyo xubno kale oo ka tirsan maamulka.

Wafdigaan ka socday Hay’adda ICRC ayaa waxaa ay isla maanta kormeerkii ugu horeeyey ee shaqo ku gaareen Isbitaalka magaalada Kismaayo oo ay ku jiraan dad badan oo bukaan ah oo in mudo ah aan hellin gargaar dhinac dawooyinka ah.

Saraakiisha ka socday hay’adda ICRC ayaa waxaa ay Isbitaalka Kismaayo kula kulmeen agaasimaha guud ee Isbitaalka Kismaayo Dr. Cabdisamad Abuukar Xaaji isagoo uga war bixiyey xaalada guud ee Isbitaalka iyo in dadka bukaanka ah ee ku jira ay u baahan yihin gar gaar deg deg ah oo dhinac dawooyinka ah.

Cabdi Yare
Kismaayo