Weerar xalay lagu dilay 5 Askari oo ka dhacay deegaannada Damajaale iyo Cabdi Sugow

Gaarisa:-Koox hubeysan oo ilaa haatan aan la aqoon heybtooda ayaa xalay weerar ku qaaday  labo saldhig  oo ku kala yaalla deegaannada Damajaale iyo Cabdi Sugow waxaana ay ku dileen weerarka 5askari oo ka tirsan ciidanka Kenya waxaana weerarka ku dhaawacmay askar kale.

Sarkaal ka tirsan ciidanka Kenya ee gobolka waqooyi-bari ayaa warbaahinta u xaqiijiyey in weerarka xalay lagu dilay 5askari oo ka tirsan ciidanka Kenya iyo shaqaale ka tirsan hay’adda Laanqeyrta Cas ee Kenya waxaa kale oo uu xaqiijiyey in 3qof oo kale ay ku dhaawacmeen.

Ciidamo ka tirsan dowlada Kenya ayaa gaaray deegaannada Damajaale iyo Cabdi Sugow iyaga oo xabsiga dhigay dhowr qof qaarna u geystay jirdilxun.
Ilaa haatan ma jiraan cid si rasmi ah u sheegatay weerarka xalay ka dhacay deegaannada Damajaale iyo Cabdi Sugow.

C/Casiis Maxamed
Halgan.net