Madaxweyne Faroole oo maanta furay mashruuc lagu horumarinayo deegaanka Puntland

Garoowe:-Madaxweynaha Puntland Dr. Cabdiraxmaan Sheekh Maxamed Maxamud Faroole ayaa maanta daah furay mashruuca horumarinta deegaanada Puntland mashruucan ayaa waxaa lagu maal-geliyey Aduun dhan 25 milyan oo Euro waxaana uu mashruucan socon doonaa mudo 3 sano ah.

Madaxweynaha Puntland Dr.C/raxmaan Faroole ayaa si rasmi ah u furay mashruuca lagu horumarinayo deegaanada Puntland waxaana mashruuca taageeraya Ururka Midowga Yurub , mashruucan ayaa waxaa diirada lagu saarayaa ilaalinta deegaanka, ka hortaga xaalufka ,biyo xireenadda,wax ka qabashada dooxooyinka, wacyigelinta bulshada iyo arrimo kale.

Mashruucan balaaran ayaa waxaa maamuli doona wasaarada deegaanka, duurjoogta iyo dalxiiska, waxaana si rasmi ah u fulinaya hay’adaha Care International iyo Adeso . Madaxweynaha Puntland C/raxmaan Faroole ayaa sheegay in ay muhiim tahay in wax laga qabto amaanka Puntland waxaana uu amaan gaar ah u soo jeediyey dumarka deeganada Puntland isaga oo sheegay in ay kaalin muhiimka ah kaga jiraan horumarinta Puntland.

M_M Deeq
Halgan.net