Madaxweynaha Puntland oo tababar u soo xiray ciidanka Asluubta.[Masawiro]

Garoowe:-Madaxweynaha Puntland Dr.C/raxmaan Sh.Maxamed Faroole ayaa maanta waxaa uu tababar socday mudo saddex asbuuc ah u soo xiray qaar ka tirsan ciidanka Asluuta oo tababar lagu siinayey xarunta taliska ciidanka asluubta ee ku taal duleed ka magaalada Garoowe.

Madaxwaynaha Dowlada Puntland ayaa aad u soo dhaweeyey tababarka la siiyey dhalinyaradaan ka tirsan ciidanka Asluubta isagoona mahad gaar ah u jeediyey Taliyaha ciidanka Asluubta Puntland Gen.Cali Nuur Cumar iyo masuuliyiin ka tirsan UNODC. Madaxweynaha Puntlland ayaa ku waaniyey dhalinyarad ciidanka asluubta ee loo soo xiray tababarka in wixii la baray ay uga faa’iideeyaan bulshadooda waxaan uu intaas ku daray in tababarad noocaan oo kale ah la joogtay doono.

Ciidanka asluubta ee tababarka loo soo xiray ayaa waxaa ay u badan yihiin dhalinyaro waxaan ay duruus kala duwan  oo ay qaateen la xiriirtaa qaabka ay ula dhaqmayaan  maxaabiista, sidda loo qabto ama loo xiro qofka danbiilaha ah iyo qaabka looga hortago  falalka amaanka lidka ku ah.

no images were found

Xaflada tababarka loogu soo xirayey ciidanka asluubta ayaa waxaa kale oo ka soo qayb galay Wasiirka Cadaaladda  iyo  Taliyaha ciidanka Asluubta Puntland Gen.Cali Nuur Cumar  iyo saraakiil kale oo ka tisan laamaha amaanka.Gabagabadii Xaflada ayaa Madaxweynaha Puntlland iyo  Taliyaha ciidanka Asluubta Puntland Gen.Cali Nuur Cumar  waxaa ay soo kormeereen Xabsiga weyn oo ku yaal magaalada Garoowe uuna ku socdo dhismo  dhawaana xariga laga jari doono.

M_M_Deeq
Halgan.net