Taliyaha Ciidanka Daraawiishta Aaga Galgala oo la magacaabay

Garoowe:-Taliyaha ciidanka difaaca dowladda Puntland Gen. Siciid Maxamed Xirsi Siciid Dheere ayaa waxaa uu u magacaabay Taliyaha ciidanka daraawiishta ee Aaga Galgala Col. Maxamuud C/qaadir Xassan Cadde oo mar noqday Taliyaha  ciidanka daraawiishat ee Gobolka Mudug.

Wareegta ka soo baxday Xafiiska Taliyaha ciidanka difaaca Puntland Gen. Siciid Dheere ayaa waxaa lagu sheegay in Taliyaha cusub ee Aaga Galgala Col. Maxamuud C/qaadir Xassan lagu doortay  aqoontiisa dhinac ciidanka iyo howl karimadiisa shaqo.

Taliyihii hore ee ciidanka daraawiishta ee Aaga Galgala Col.Jaamac Siciid Afguduud oo in ka badan saddex sanno dagaal kula jira kooxda al-shabaab ee Buuuraha Golis ayaa ku dhintay 16.03.2014 weerar hubaysan oo ka dhacay duleedka Galgala.

Dowladda cusub ee Puntland ee madaxweynaha uu ka yahay Dr.C/wali Maxamed Cali Gaas ayaa waxaa hay’addaha dowliga ah loo madaxbaneeyey in ay iyagu soo magacaabaan xilalka waan arrinta maanta sababtay in Taliyaha ciidanka difaaca Puntland Gen. Siciid Maxamed Xirsi uu soo magacaabay  Taliyaha cusub ee cidanka daraawiishta ee Aaga Galgala Col. Maxamuud C/qaadir Xassan oo markii hore laga soo magacaabi jiray Madaxtooyadda Puntland.

M_M_Deeq
Halgan.net