.gif)
Ciidanka DFS iyo kuwa AMISOM oo dhaqdhaqaaq ka wada gobalka Hiiraaan
March 19, 2015 - Written by Editor
Hiiraan:-Ciidanka DFS oo gacan ka helaya kuwa Jabuuti ee ka tirsan AMISOM ayaa maanta billaabay howlgal ka dhan ah kooxda Al-Shabaab iyaga oo doonaya in ay furaan waddada isku xirta magaalooyinka Beledweyne iyo Buulo-burte.
Ciidanka DFS iyo kuwa AMISOM ayaa waxaa wadada u galay intii ay sii socdeen ciidamo ka tirsan kooxda Al-Shabaab waxaana uu iska horimaad uu ka dhacay deegaanka Luuq Jeellow oo dhinaca galbeed uga beegan magaalada Beledweyne.
Al-Shabaab ayaa mudo dhan hal sano xayiraad ku hayey Degmada Buulo-burte waxaana gaajo iyo oon ugu dhintay gudaha magaalada qaar ka mid ah dadka ku dhaqan Degmada Buulo-burte .
Saraakiisha ciidanka DFS ayaa guulo ka sheegtay iska horimaadka ka dhacay deegaanka Luuq Jeellow oo dhinaca galbeed uga beegan Degmada Beledweyne waxayna ay sheegeen in ay dileen labo askari oo ka tirsan kooxda Al-Shabaab.
Kooxda Al Shabaab ayaan wili ka hadal iska horimaadka ka dhacay deegaanka Luuq Jeellow oo dhinaca galbeed uga beegan Beledweyne .
A/Cawale
Halgan.net
