Ra’iisul Wasaarihii hore ee DFS C/weli Sheekh Axmed oo booqday Jaamacadda Bariga Afrika.[Masawiro]

Boosaaso:-Ra’iisul Wasaarihii hore ee Soomaaliya Mudane C/weli Sheekh Axmed Maxamed oo ay weheliyeen Xildhibaan Cabdibare yuusuf Jibriil,Siyaasi Dr.Cabdiraxaman Baadiyow iyo Siyaasiyiin kale,ayaa booqasho ku tagay Jaamacada Bariga Afrika xarunteeda magaalada Boosaaso ee xarunta Gobolka Bari.Guddoomiyaha Jaamacadda Bariga Afrika Aadan Sheekh Doon Cali,Guddoomiye ku xigeenka Jaamacadda Maxamed Maxamuud Ciise,Macalimiinta iyo Ardayda Jaamacada,ayaa Cabdiweli Sheekh iyo Wafdigiisa kuso dhoweeyay jaamacadda Bariga Afrika.

Maamulka Jaamacadda Bariga Afrika ayaa Ra’iisul Wasaarihii hore iyo Wafdigiisa tusay qaybaha ay ka kooban tahay Jaamacadu,waxaana booqashadoodu ay kuso beegantay xilli ay Ardayda Jaamacadu ku jireen Imtixaamka 1-aad ee sanad Jaamacadeedka 2015/2016.

Wafdiga ayaa indhaindheeyay Fasalada Jaamacadda,waxayna qiimayn ku sameeyen Imtixaanka laga qaaday Ardayda iyaga oo aad ula dhacay hannaanka Waxbarasho ee Jaamacadda Bariga Afrika.

Maamulka Jaamacadda ayaa Ra’iisul Wasaarihii hore iyo Wafdigiisa uga Xog waramay Jaamacada Bariga Afrika iyo Marxaladihii kala duwanaa ee ay soo martay, waxayna sheegen inay aad ugu faraxsan yihiin Mas’uuliyiinta soo booqday Jaamacadda.

Ra’iisul Wasaarihii hore ee Soomaaliya Cabdiweli Sheekh Axmed Maxamed ayaa Maamulka,macalimiinta iyo Ardayda Jaamacadda Bariga Afrika uga mahad celiyay sida qiimaha badan ee ay uso dhoweeyen,wuxuuna xusay in tayada Waxbarasho ee Jaamacaddu ay aad u sarayso.

Shalay ayay ahayd markii Madaweynaha Soomaaliya Xassan Sh.Maxamuud,Madaxweynaha Puntland Dr. C/weli Maxamed Cali ”Gaas”,Madaxweyne ku xigeenka Injineer Cabdixakiin Cabdullaahi Xaaji Cumay ”Camay” iyo Mas’uuliyiin ka tirsan golayaasha dawlada Federaalka iyo Puntland ay booqasho ku tageen Jaamacadda Bariga Afrika. Si kastaba ha ahate,Jaamacadda Bariga Afrika oo ah Hooyada Waxbarashada ayaa hormuud u ah Jaamacadaha ku yaala Gobolada Puntland.

no images were found

Sourc: eastafricauniversity.