Ciidanka DFKM ee magaalada Baydhabo oo toogtay xalay nin dil ka geystay Baydhabo.

Baydhabo:-Wararka naga soo gaaraya magaalada Baydhabo ee xarunta gobalka Bay ayaa sheegaya in xalay ay ciidamada DFKM ay toogteen nin dil ka geystay gudaha magaalada Baydhabo gaar ahaan xaafada Isha Baydhabo oo maalin ka hor lagu dhaawacay  Cali Shaambo oo ka mid ahaa Ciyaartooydiii hore ee xulkii  kubbadda cagta Soomaaliya.

Saraakiisha ciidanka DFKM ayaa sheegay in ninka ay toogteen uu ka mid ahaa kooxaha amniyaadka ee Ururka Al-Shabaab dilalna uu ka geystay magaalada Baydhabo sida uu warbaahinta u sheegay Taliyaha Ciidamada nabadsugidda ee magaalada Baydhabo Shiine Ciise .

Taliyaha Ciidamada nabadsugidda ee magaalada Baydhabo Shiine Ciise  ayaa sidoo kale sheegay in ninka la dilay uu watay Bistoolad iyo Bambaanooyin uuna dagaal kala hor tagay ciidanka DFKM ilaa la dilay markii danbe.

Waa markii ugu horaysay oo ciidamada DFKM ee magaalada Baydhbao ay sheegaan in ay dileen rag ay ku sheegeen in ay ka mid yihiin ururka Al-Shabaab .

C/Casiis Maxamed
Halgan.net