Jamaacada Al-ictisaam Bil-kitaab wassunnah oo ka tacsiyeynaysa geeridii Sh Ismaaciil Xaaji Cabdi

Hargeysa:-Jamaacada Al-ictisaam bil-kitaab wassunnah waxay aad uga tiiraanyaysan tahay geeridii Sh. Ismaaciil Xaaji Cabdi oo saaka ku geeriyooday shil gaari isaga oo maraya magaalada Huddisa, kuna sii jeeday Hargeysa, waxayna jamaacadu tacsi u diraysaa qoyskiisii, eheladiisii, asxaabtiisii, rugta ganacsiga S/land oo uu guddoomiye u ahaa iyo ummadda Soomaaliyeed ee uu ka wada geeriyoodayba. Jamaacadu waxay Ilaahay ka baryaysaa inuu Ismaaciil u dambi dhaafo, cadaabtana ka xoreeyo, uuna isugu daro jannadiisa iyo raallinimadiisa.

Waxay kale oo Jamaacada Al-ictisaam Ilaahay uga baryaysaa intii uu ka tagay inuu xifdiyo gadaashiisa, uuna siiyo sabar iyo badal khayr qaba
إنا لله وإنا إليه راجعون

إن لله ما أخذ وله ما أعطى وكل شيء عنده بأجل مسمى

Sh. Axmed C/samad. Gudd. Golaha Fulinta Jamaacada Al-ictisaam bil-kitaab wassunnah