Kooxo hubaysan oo dhac u geystay shirkada xawaalada Mustaqbal laanteeda Degmada Waaberi

Muqdisho:-Kooxo hubaysan ayaa maanta dhac u geystay shirkada  xawaalada Mustaqbal laanta ay ku leedahay Degmada Waaberi ee Gobalka Banaadir.burcada dhacday shirkada ayaa waxay ku hubeysnaayeen qoryaha fudud  iyagoo ka baxsaday goobta falka dhaca ah ay ka geesteen.

Taliyaha Saldhiga Degmada Waaberi Axmed Xuseen Axmed oo la hadlay warbaahinta ayaa sheegay in raga falka dhaca ah geystay ay gaarayaan ilaa 5-ruux kuwaasi oo markii ay dhaca geysteen kaddib goobta ka baxsaday wuxuuna sheegay in ay dhaceen lacag gaareysa  2800$ oo doolar.

Taliyaha Saldhiga Degmada Waaberi ayaa sheegay inay ku raadjoogaan kooxihii dhacay shirkada  xawaalada Mustaqbal laanta ay ku leedahay Degmada Waaberi ee Gobalka Banaadir ;Falalka lagu dhaco xawaaladaha ayaan ku soo badanaya  magaalada Muqdisho iyadoo dhowr mar kooxo hubaysan ay dhaceen shirkado xawaaladeed oo kala duwan.

A/Cawale
Halgan.net