Qarax geystay khasaare oo xalay ka dhacay magaalada Mombasa

Mombasa :-Qarax geystay khasaare dhimasho iyo dhaawacba leh ayaa waxa uu  xalay ka dhacay magaalada Mombasa caasimadda labaad ee dalka Kenya.Qaraxa ayaa waxa uu ka dhashay bambo la dhigay goob lagu caweeyo oo ku taala magaalada Mombasa, faahfaahin intaas dheerna lagama bixinin qaabka qaraxu ahaa.

Ilaa 3 qof ayaa ku dhintay qaraxa, dhaawacyo soo gaaray tiro dad ahna waa jiraan, iyadoona ciidanka ammaanku ay wadaan howlgal ay ku baarayaan nooca qaraxa iyo cidda ka dambeysa.

Magaalada Mombasa ayaa waxaa ku taala dekedde ugu weyn bariga afrika, waxaana ay u adeegtaa dhammaan dalalka ku yaala bariga iyo bartamaha afrika, waxaana sidoo kale Mombasa ay caan ku tahay Dalxiiska.

Dalka Kenya ayaa intii ciidankiisa ay gudaha u galeen waddanka Soomaaliya, waxaa ku soo badanayey qaraxyada iyo falalka ammaanka lidka ku ah, waxaaana dowladda Kenya amuurahaasi ku eedeysaa dagaalyahannada xarakada Al-Shabaab.

Halgan.net