Al-shabaab aad bay u mahadsanyihiin! W/Q Sh.Axmed C/samad

May 14, 2013 - Written by Editor

shaxmedQayb ka mid ah hoggaanka xarakada Al-shabaab ayaa waxay sameeyeen wax loogu mahadnaqo.Waxay caddeeyeen xaq badan oo Xarakada dhexdeeda ku lunsanaa, waxayna ka digeen dulmi iyo baadil badan oo xarakadu caadaysatay, horayna aan la isaga reebi jirin. Waxyaabaha muhiimka ah ee raggaas hoggaamiyeyaasha ah ay mudanyihiin in looga mahadceliyo waxaa ka mid ah markhaatiga ay u fureen culumadii muddada dheer xarakada uga naseexaynaysey inxiraafka diimeed ee ay ku jirtey, ummaddana uga digaysey raacida dariiqa qalloocan ee madaxda xarakadu martay.Markhaantiga raggaani culumada u fureena ahmiyad gaar ah ayuu leeyahay; waayo waa rag xeerada salkeeda og oo waxa ay ka hadlayaan cid walba uga xog-ogaalsan.

Dad badan ayaan horay u qaadan cilmigii iyo naseexadii culumadu soo jeedinaysey xilli dadka qaarkii baadilku xaq la ahaa, xaquna la ahaa baadil laakiin maanta culumada waa loo wada ducaynayaa, waxaana loo wada qirsanyahay cilmi, daacadnimo, aragtidheeri iyo geesinimo. Ninkii wax uun shaki ah ku jirey ama wax uun toosnaan ah xarakadaas ku tuhmayeyna waxaa ka shaafiyey hoggaamiyeyaasha maanta xaqa muddada dheer qarsoonaa la jahray oo u bareeray in siddii shacabka Soomaaliyeed oo kale loo laayo ama loo silciyo.

Waxaan isku dayaynaa in aynu dhowr xalaqo kaga hadalno bayaanada iyo qaylodhaanta raggaan madaxda ah sida is dabajoogga ah u soo saarayeen.

Sh. Axmed C/samad
alwaqaar@hotmail.com

Leave a Reply

Your email address will not be published. Required fields are marked *

*

* Copy This Password *

* Type Or Paste Password Here *

232,004 Spam Comments Blocked so far by Spam Free Wordpress

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>