Gudoomiyihii Xaafada Hantiwadaag ee degmada Jowhar oo goordhow la dilay

Jowhar:-Wararka ka imaanaya Degmada Jowhar ayaa sheegaya in caawa lagu dilay  Gudoomiyihii Xaafada Hantiwadaag Xuseen C/laahi Cumar oo lo yaqaanay (Xusen Jicib ).

Weerarka caawa lagu dilay Gudoomiyihii Xaafada Hantiwadaag ee Degmada Jowhar ayaa waxaa fuliyey kooxo bastoolado ku hubeysan kuwaas oo ku dilay Xuseen Jicib nawaaxiga Suuqa Xaafada Hantiwadaag, salaadii maqrib kadib.

Ciidamo ka tiro badan oo ka tirsan DFS ayaa goobta soo gaaray waxaana baxsaday kooxihii dilka geystay.Xuseen C/laahi Cumar oo lo yaqaanay (Xusen Jicib ) ayaa noqonaya Mas’uulkii u horeeyay oo ka tirsan Maamulka Degmada Jowhar oo la dilo  Jowhar ilaa iyo intii laga saaray kooxda Al-Shabaab Degmada Jowhar sanadii hore.

Cabdi Yare
Halgan.net