Taliyaha cusub ee ciidamada Booliska DFS Jen C/xakiim Daahir oo xilka la wareegay

Muqdisho:-Waxaa maanta xilka si rasmi ah ula wareegay Taliyaha cusub ee ciidamada booliska ee DFS Jen Cabdixakiim Daahir Saciid ka dib xaflad lagu qabtay magaalada Muqdisho waxaana uu xilka kala wareegay taliyihii hore ee ciidanka Booliska Gen.Shariif Sheekhunaa Maye.

Taliyaha cusub ee ciidamada booliska DFS Gen Cabdixakiim Daahir Saciid (Saacid) ayaa khudbad kooban ka jeediyey munaasabada uu xilka kula wareegay waxaana uu sheegay in uu isbeddel weyn ku sameyn doono ciidanka Booliska Soomaaliya isaga oo balan qaaday in la tayeen doono lana hormarin doono ciidanka Booliska Soomaaliya.

Munaasabada uu xilka kula wareegay Taliyaha cusub ee ciidamada Booliska DFS Gen Cabdixakiim Daahir Saciid (Saacid) ayaa waxaa goobjoog ka ahaa Wasiirka arrimaha gudaha ee dowlada federaalka Soomaaliya Cabdikariin Xuseen Guuleed iyo saraakiil ka tirsan ciidanka DFS.

Wasiirka arrimaha gudaha ee DFS ayaa u mahad celiyey taliyihii hore ee ciidanka Booliska DFS Gen.Shariif Sheekhunaa Maye waxaana uu bogaadin iyo dardaaran u soo jeediyey taliyaha cusub ee ciidanka Booliska DFS.

A/Cawale
Halgan.net