.gif)
Odayaal Dhaqameedyo ka tirsan Beesha Shiidle oo lagu xir xiray Magaalada Jowhar
October 9, 2013 - Written by Editor
Jowhar:-Wararka ka imaanaya magaalada Jowhar ee xarunta Gobolka Shabeellaha Dhexe ayaa sheegaya in odayaal dhaqameed ka soo jeeda beesha Shiidle lagu xiray magaalada Jowhar xili ay ku shirayeen gudaha magaalada Jowhar. Islow Xasan Islow oo ka mid ah Odayaasha Dhaqanka ee beesha Shiidle oo la hadlay warbaahinta ayaa sheegay in la xiray odayaal shir ku lahaa magaalada Jowhar wuxuuna ku tilmaamay xarigooda mid laga xumaado.
Odayaasha Dhaqanka ee lagu xiray magaalada Jowhar ayaa waxaa ay ka shirayeen sida ay ka yeeli lahaayeen Maamulka Gobolka Shabeellaha Dhexe ka dib markii ay ka cawdeen maamulka ka jira Gobolka Shabeellaha Dhexe balse aysan DFS waxba ka qaban codsigoodii.
Waxaa kale oo odayaasha beesha Shiidle ka shirayeen sidii ay wax uga qaban lahaayeen fatahaada Webiga Shabeelle sida uu warbaahinta u sheegay Islow Xasan Islow oo ka mid ah Odayaasha Dhaqanka ee beesha Shiidle.Gudoomiyaha Maamulka Gobol ka Shabeellaha Dhexe Cabdi Jiinow Calasow ayaan wili wax jawaab ah ka bixin eedeynta iyo cabashada odayaasha beesha Shiidle
A/Cawale
Halgan.net
