Wariye Maxamed Maxamuud Tima-cadde oo caawa ku geeriyooday Muqdisho

Muqdisho:-Alaha u naxariistee waxaa caawa ku geeriyooday magaalada Muqdisho Wariye Maxamed Maxamuud Tima-cadde oo ka mid ahaa wariyeyaasha TV- Universal  waxaana xaqiijiyey geeridiisa howlwadeenada Tv Universal ee ku sugan magaalada Muqdisho.

Allaha u naxariisteen Wariye Maxamed Maxamuud Tima-cadde ayaa dhaawaciisa lagu dabiibayey Isbitaalka Madiina iyada oo xaalkiisa uu ka soo reynayey maalintii shalay balse uu caawa geeriyooday

Ehelada Wariye Maxamed Maxamuud Tima-cadde ayaa  shalay sheegay in wiilkooda aan waxba looga qaban karin isbitaalada magaalada Muqdisho iyaga oo codsi u diray madaxada DFS. Dilka Wariye Maxamed Maxamuud Tima-cadde ayaa waxaa lagu eedeynayaa in ay ka danbeeyaan Al-Shabaab iyada oo warbaahinta Al-Shabaab ay sheegeen markii la dhaawacay in uu gaalo u shaqeyn jiray

A/Cawale
Halgan.net