Weerar saaka Aroortii ka dhacay guri ku yaal degmada Baraawe

Baraawe:-Wararka naga soo gaaray magaalada Baraawe ayaa sheegay in  saaka aroortiii hore uu weerar lagu qaaday guri ku yaal magaalada Baraawe gurigaas oo aan ilaa hadda la aqoon cidda ku jirtay iyo cid weerarka ku qaaday.Ilo wareedyo ku sugan Koonfurta Soomaaliya ayaa u xaqiijiyey Halgan.net in weerarku jiro balse waxaa ay sheegee in aan ilaa hadda wax faahfaahin ah laga hayn cid la weeararay ee ku sugnayd gurigaaas.

Dad goob joogayaal ah oo ku sugan degmada Baraawe ayaa iyagana sheegay in ay saaka maqleen hub la isku ridayo balse aysan aqoon cid uu u dhexeeyo dagaalka wararka ay helleen uu sheegayo in hal qof uu dhintay mid kalena uu dhaawacmay halka guriga la weeraray uu gaaray khasaaro iyo burbur.

Halgan.net ayaa idiin soo gudbin doonta wararka danbe faahfaahin ku saabsan weerarka ka dhacay degmada Baraawe saaka.

A/cawaale
Halgan.net