Diyaaradaha dagaalka Kenya oo duqeeyey deegaano ka tirsan gobolka Gedo

Gedo:-Diyaaradaha dagaalka Kenya ayaa duqeymo ka geystay deegaano ka tirsan gobolka Gedo,sida uu warbaahinta u xaqiijiyey sarkaal ka tirsan ciidanka dowlada federaalka Soomaaliya oo ku sugan gobolka Gedo.

Diyaaradaha dagaalka Kenya  ayaa waxaa ay duqeyn ka geysteen deegaano u dhexeeya Degmooyinka Garbahaarey iyo Baladxaawo waxaan warar hordhac ah ay sheegayaan in xoolo badan ay duqeynta waxyeelo u geystay .

Cornel Yaasiin Xasan oo ka mid ah Saraakiisha ciidanka DFS ee gobolka Gedo ayaa sheegay in duqeynta lala eegtay xarumo ay leeyihiin dagaalyahanada Kooxda Al-shabaab balse uusan xaqiijin karin sida ay wax u gaareen.

Cornel Yaasiin Xasan ayaa xaqijiyey in duqeynta ay diyaaradaha dagaalka Kenya ka geysteen gobalka Gedo ay waxyeelo u geystay xoolo badan oo ay lahaayeen dadka ku dhaqan inta u dhexeysa Garbahaarey iyo B/xaawo.

A/Cawale
Halgan.net