Guddoomiyaha Golaha Wakiillada PL oo ka qayb galay aaska Madaxweynihii hore ee Puntland

Guddoomiyaha Golaha Wakiillada DPL Mudane Cabdirashiid Yuusuf Jibriil oo ay wehliyaan, Guddoomiye ku xigeenka 1aad AVV: Cabdicasiis Cabdullahi Cusmaan & ku xigeenka 2-aad Mudane, Ismaaciil Maxamed Warsame ayaa ka qeyb-galay aas-Qaran oo loo sameeyay Alle ha u naxariistee, Madaxweynihii hore Dawladda Puntland Maxamed Cabdi Xaashi.

Diyaaraddii sidday marxuumkan ayaa markii ay soo caga dhigatay garoonka waxaa naxashka Marxuumka la huwiyey Calanka Dawladda Puntland.

Guddoomiyaha ayaa markii ay soo idlaatay salaadda janaasadu waxa uu si gaar ah ugu tacsiyeeyay qoyska marxuumka oo qaar ka mid ah ay ku kulmeen janaasada, isoogana Alle uga baryey samir iyo iimaan, marxuumkana Jannatul Firdows.

Ka dib waxaa marxuumka aas-qaran loogu sameeyay Qabuuraha magaalada Garoowe, kaasi oo ay goob-joog ka ahaayeen Madaxweynayaasha Dawladaha xubnaha ka ah Dawladda Federalka ee Puntland, Galmudug, Jubaland, Guddoomiyaha Aqal sare ee Baarlamaanka Federalka, Xildhibaano, Wasiiro, Siyaasiyiin, Taliyeyaasha Ciidamada Qalabka Sida, Isimada Dhaqanka, Ehelada Marxuumka iyo qaybaha kala duwan ee bulshada.

no images were found

DHAMMAAD

Xafiiska Warfaafinta & Wacyi-gelinta,
Golaha Wakiillada Dawladda Puntland
E-mail: info@puntlandparliament.net