Ciidanka DFS iyo kuwa deegaanka oo la wareegay deegaanka Moqokori ee gobolka Hiiraan

Hiiraan:-Ciidanka DFS oo kaashanaya dadka deegaanka ee macawisley ayaa saakay Al-shabab kala wareegay deegaanka Moqokori ee gobolka Hiiraan oo ka mid ah deegaanada fara kutiriska ah oo Al shabaab kaga sugnaayeen gobolka Hiiraan.

Taliyaha ururka 41aad guutada 5aad qeybta 27aad ee ciidanka xoogga dalka, Cabdi Muumin Cilmi oo la hadlay warbaahinta ayaa xaqiijiyay in Al-shabab ay isaga carareen deegaanka ka hor inta aysan ciidanka gaarin deegaanka Moqokori ee gobolka Hiiraan

Taliyaha ayaa sido kale sheegay in ciidanka Al-shababay la wareegeen deegaanka Tardo oo ku dhow deegaanka Moqokori isla markaana si buuxda ay gacanta ugu haayaan.
Taliyaha ururka 41aad guutada 5aad qeybta 27aad ee ciidanka xoogga dalka, Cabdi Muumin Cilmi ayaa sidoo kale sheegay in ciidanka DFS iyo kuwa deegaanka aysan ka hari doontin kooxda maafiyada ee dadka iyo deegaanka dhibka weyn ka geystay.

M_M Deeq
Halgan.net