Madaxweynaha Puntland oo caawa kulan casho sharaf ah ugu sameeyay Goleyaasha degmooyinka Eyl, Qardho iyo Ufeyn,

Garoowe:-Madaxweynaha Dowladda Puntland Mudane Siciid Cabdullaahi Deni, ayaa caawa kulan casho sharaf ah ugu sameeyay Qasriga Madaxtooyada Goleyaasha deegaanka ee degmooyinka Eyl, Qardho iyo Ufeyn, oo ah Goleyaal shacabku soo doortay, Munaasabadda waxaa lagu casumay dhammaan Masuuliyiinta iyo dhinacyada ku shaqo leh hirgelinta dimuqraadiyadda Puntland, sida Guddiga KMG ah ee Doorashooyinka TPEC, Wasaaradda Arrimaha Gudaha, Ururada Siyaasadda, Ururada Bulshada rayidka ah iyo marti sharaf kale.

Tallaabadan ayaa ah mid Madaxweynuhu ku dhiirrigelinayo Goleyaasha deegaanka ee saddexda degmo ee laga qabtay Doorashadii ugu horeysay ee hal qof iyo hal cod iyo dhammaan dhinacyadii ku shaqo lahaa, iyadoo hadda ay meel wanaagsan marayso diyaargarowga dhameystirka Doorashadda hal qof iyo hal cod ee degmooyinka Puntland.

—–Dhamaad—