Dagaal duleedka Daynuunay ku dhexmary ciidanka DFS iyo Al-shabaab

Baydhabo:-Iska horimaad xooggan oo hubaysan ayaa maanta waxaa uu ku dhexmaray ciidamo ka tirsan Dowladd Federaalka Soomaaliya iyo ururka Al-shabaab duleedka Daynuunaay oo 18 Km dhinaca bari ka xigta magaalada Baydhaba ee xarunta Gobolka Bay. Dagaalka ayaa dhacay ka dib markii ciidamo ka baxay magaalada Baydhabo kuna socday Daynuunay ay jidka u galeen ciidamo ka tirsan Al-shabaab waxaan halkaas ka dhacay iska horimaad xooggan oo lagu dilay ilaa 8 askari oo ka tirsan ciidanka DFS halka dhaawac uu soo gaaray 9 askari oo kale.

Sarkaal u hadlay ciidanka Ciidanka dowladda Federaalka Soomaaliya ayaa VOA u sheegay in ay ogaadeen in ciidamo ka tirsan Al-shabaab ay duulaan ku soo yihiin fariisamahooda ka dibna ay ciidamadood bilaabeen in ay ka hortagaan weerarka kaga imaanaya Al-shabaab.

Dhinac kale Wasiirka Warfaafinta ee maamulka Koonfur Galbeed Xassan Cabdi Maxamed ayaa VOA u sheegay inay aamisan yihiin in weerarka Al-shabaab uu daba socday weeraro iyo howl galo ay ciidanka Koonfur Galbeed iyo kuwa Dowlada Federaalka Soomaaliya ay ka sameeyeen agagaar ka degmada Buurhakaba laguna dilay ciidamo ka tirsan Al-shabaab.

A/cawaale
Halgan.net