Ciidanka DFS iyo kuwa AMISOM oo howlgalo ka sameeyey Magaalada Beledweyne

Hiiraan:-Ciidamada DFS  iyo kuwo AMISOM ee gobolka Hiiraan ayaa maanta hawlgallo ka sameeyey gudaha magaalada B/weyne waxaana ay gacanta ku soo dhigeeen 25 qof  oo lagu eedeeyey in ay amaanka wax u dhimayeen.

Taliyaha qeybta booliska ee gobolka Hiiraan Col.Isaaq Cali Cabdulle ayaa saxaafada u xaqiijiyey in ay saaka howlgalo ka sameeyeen ciidanka DFS iyo kuwa AMISOM gudaha Magaalada  Beledweyne waxaana uu sheegay in ay soo qabteen hub iyo walxaha qarxa.

Taliyaha booliska ee gobolka Hiiraan Col.Isaaq Cali Cabdulle ayaa sheegay in howlgala ay sii socon doonaan wuxuuna sheegay in dadka saaka la qabtay lagu sameyn doono baaritaanno dheeraad ah cidii aan dambi lahayna la sii dayn doono.

Guddomiyaha Gobolka Hiiraan Cabdi Faarax laqanyo ayaa sheegay in ay heleen xog ku saabsan weerar ay rabaan in ay fuliyaan kooxaha amniyaadka ee Ururka Al-Shabaab kuwaas oo soo galay gudaha magaalada  Beledweyne.

Magaalada Beledweyne  ayaa labadii Maalmood ee la soo dhaafay waxaa ka dhacay weeraro loo adeegsaday Bamka gacanta laga gano taas oo sababtay dhimashada hal askari iyo dhaawaca dhowr qof oo rayid ah.

A/Cawale
Halgan.net