Taliyaha cusub ee Hay’adda Nabad-sugidda ee DFS Bashiir Goobe oo maanta xilka la wareegay

Muqdisho:-Taliyaha cusub ee hay’adda nabad-sugidda ee DFS Bashiir Maxamed Jaamac (Bashiir Goobe) ayaa maanta si rasmi ah xilka ula wareegay xilka waxaana uu xilka kala wareegay C/kariim Xasan Daahir oo si ku meel gaar ah xilkaas u sii hayey .Munaasabadda uu xilka kula wareegayey taliyaha cusub ee Hay’adda nabad-sugidda ee DFS Bashiir Maxamed Jaamac (Bashiir Goobe) ayaa waxaa ay ka dhacday xarunta ciidanka nabadsugida ee DFS waxaana munaasabadaas ka soo qeyb galay Wasiirka arrimaha gudaha iyo amniga ee DFS Cabdi Kariin Xuseen Guuleed, taliyaha ciidanka Booliska ee DFS Jen. Cabdixakiin Daahir Saacid iyo saraakiil badan oo ka socday qeybaha kala duwan ee ciidanka Dowllada Federaalka Soomaaliya.

Taliyaha ciidanka  Hay’adda ee DFS Bashiir Maxamed Jaamac (Bashiir Goobe) oo khudbad kooban ka jeediyey xaflada ayaa sheegay in uu isbedal weyn ku sameyn doono hay’adda nabad-sugidda waxaana uu si weyn ugu mahad celiyey taliyihii hore ee hay’adda Axmed Macallin Fiqi  iyo dhamaan saraakiishii la soo shaqeysay .

A/Cawale
Halgan.net

£Amal_02_10@