.gif)
Qarax xalay ka dhacay Masaajid Sheekh Aweys ee Magaalada Muqdisho
May 12, 2013 - Written by Editor
Muqdisho:-Wararka naga soo gaaraya magaalada Muqdisho ayaa sheegaya in Bam gacmeed lagu tuuray xalay ciidamo ka tirsan DFS kuwaas oo marayey agagaarka Masaajidka Sheekh Aweys oo ku yaala Isgoyska Ceel-gaabta ee Degmada Xamar Weyne.
Bam lagu lagu weeraray caawa ciidanka DFS ee marayey agagaarka Masjidka qulateenka ayaa bamka waxaa uu u gudbay Masjidka waxaana ku dhaawacmay Ilaa seddex oo ka mid ahaa dadkii weyso qaadanaayay.
Ciidamada DFS ee fariisinka ku leh Isgoyska Ceel-gaabta ayaa howlgalo ka sameeyey xalay Degmada Xamar Weyne ee gobalka Banaadir waxayna gacanta ku soo dhigeen dhowr qof.
Dad goobjoogayaal ah ayaa sheegay in Bamka uu tuuray wiil dhalinyaro ah oo markiiba goobta ka baxsaday.
A/Cawale
Halgan.net
