Madaxweynaha DFS Xasan Sheekh Maxamuud oo Muqdisho ku soo laabtay

Muqdisho:-Madaxweynaha DFS Xasan Sheekh Maxamuud iyo wafdigii uu horkacayey ayaa galabta dib ugu soo laabtay magaalada Muqdisho, kadib markii ay ka soo qeyb galeen shirkii London oo looga hadlayey arimaha Soomaaliya.

Madaxweynaha DFS Xasan Sheekh Maxamuud ayaa waxaa ku soo dhaweeyey Garoonka Diyaaradaha ee Aden Cadde Raisulwasaaraha DFS Cabdi Faarax Shirdoon Saacid ,Gudoomiyaha Baarlamaanka Maxamed Sheekh Cismaan Jawaari ,wasiiro iyo xildhibaano ka tirsan baarlamaanka Soomaaliya.

Madaxweynaha DFS ayaa Shir jaraa’id ku qabtay garoonka Diyaaradaha ee magaalada Muqdisho waxaana uu guul ku tilmaamay shirkii lagu qabtay magaalada London ee xarunta dalka  Britain wuxuuna u mahad celiyey dowlada Britain .

Shirka lagu qabtay magaalada London  7-dii bishan ayaa waxaa DFS loogu deeqay lacag aad u faro badan .

A/Cawale
Halgan.net