Ambassador Maxamed Saalix Al-Nadiif oo kulan la qaatay Ahmed Madoobe

Kismaayo:-Wafdi uu hogaaminayo Ergayga gaarka ee  AU u qaabilsanarimaha  Somalia Ambassador Maxamed Saalix Al-nadiif  ayaa shalay kulan kula qaatay magaalada Kismaayo Madaxweynaha KMG ee Maamulka Jubba Sh Ahmed Madoobe.

Kulanka ayaa waxaa uu ka dhacay Xarunta Madaxtooyada ee magaalada Kismaayo waxaana ay labada dhinac uga hadleen amaanka magaalada Kismaayo.howlgalada ciidanka AMISOM .iyo Heshiiskii Adis Ababa ku dhexmaray DFS iyo Madaxweynaha Maamulka Juba.

Madaxweynaha Maamulka KMG ee Jubba Ahmed Maxamed Islaan (Ahmed Madoobe) ayaa u mahadceliyey wafdiga uu horkacyey Ergayga gaarka ee  AU u qaabilsanarimaha  Somalia Ambassador Maxamed Saalix Al-Nadiif wuxuuna sheegay in dhinacooda ay fuliyeen qodobadii ka soo baxay Shirkii AdisAbaba ayna ka go,antahay in ay nabada ka jirta deegaanada laga saaray Al-Shabaab ay sii xoojiyaan.

Warsaxaafadeed ka soo baxay xafiiska Ergayga gaarka ee  AU u qaabilsanarimaha  Somalia Ambassador Maxamed Saalix Al-Nadiif ayaa waxaa lagu sheegay in ciidamada AMISOM ee haatan ku sugan Kismaayo la xoojin doono howlgalada ka dhanka ah Ururka Al-Shabaab.

Cabdi Yare
Kismaayo