.gif)
Dagaalo Culus oo caawa ka socda Deeganka Galgalato, Sheekh Cali Cabdule iyo Waxarcade
March 16, 2012 - Written byMuqdisho:-Waxaa caawa dagaal culus uu ka socdaa Deegaanada Galgalato, Sh Cali Cabdule ,Waxar cade dagaalka ayaa waxaa uu u dhexeeyaa ciidamada Al-Shabaab iyo ciidamada DFKM oo ay kaabayaan kuwa AMISOM .Dagaalka caawa ayaa waxaa uu qaraxay ka dib markii ay ciidamada AMISOM isku dayeen in ay ku siqaan cirifka Waqooyi Bari ee magaalada Muqdisho.
Warsaxaafadeed ay ciidamada AMISOM soo saareen ayaa waxay sheegteen in ay saaka gabsadeen Deegaaanada Galgalato, Sheekh Cali Cabdule ,Waxar cade,garoonka diyaaradaha ee Cisalley.
Wariyaha Halgan.net ee magaalada Muqdisho ayaa xiriiro kala duwan la sameeyey deegaanada aan kor ku xusanay waxaana ay u sheegeen dad goobjoogayaal ah in dhaqdhaqaaq ciidan ay wadaan labada dhinac balse guusha ay sheegteen AMISOM ay tahay mid aan dhameystirneyn .
Wariyaha Halgan.net ee magaalada Muqdisho ayaa waxaa uu xaqiijiyey in Ciidamada Al-Shabaab ay caawa gacanta ku hayaan wili Garoonka diyaaradaha ee Cisalley iyo Deegaanka Ceelcade.
Wixii warar ah ee soo kordha kala soco Halgan.net
A/Cawale
Halgan.net
