Garsoore Macalin Jeyte oo lagu dilay maanta Suuqa Weyn ee Degmada Wadajir

Muqdisho:-Waxaa saaka lagu dilay degmada Wadajir ee gobolka Banaadir mid ka mid ahaa garsoorayaasha maxkamadda degmada Wadajir waxaana magaciisa lagu sheegay Macalin C/raxmaan Maxamed Axmed (Macalin Jeyte).

Marxuum C/raxmaan Maxamed Axmed (Macalin Jeyte) ayaa waxaa dilay laba dhalinayaro ah oo bistoolado ku hubeysan waxayna ku dileen gudaha Suuqa Weyn ee Degmada Wadajir.
Garsooraha la dilay ayaa waxaa si aad ah looga yaqaanay Degmada  Wadajir.Ciidamada DFKM ee degmada Wadajir ayaa dilka ka dib soo gaaray goobta waxayna bilaabeen howlgalo waloow aysan ku guuleysan in ay qabtaan kuwii dilka geystay.

Maamulka Degmada Wadajir iyo madaxada DFKM ayaa ilaa haatan ka hadal dilka Marxuum C/raxmaan Maxamed Axmed (Macalin Jeyte) mana jirto cid sheegatay ilaa haatan dilka Macalin Jeyte.

A/Cawale
Halgan.net