Gen C/kariin Yuusuf Aadan (Dhego-badan)oo shirjaraa,id Muqdisho ku qabtay

Muqdisho:-Abaanduulaha ciidanka DFKM Gen C/kariin Yuusuf Aadan (Dhego-badan)ayaa saaka shrjaraa,id waxaa uu ku qabatay magaalada Muqdisho waxaana uu ka warbixiyey dagaalo shalay ka dhacay magaalada Muqdisho gaar ahaan xaafada Suuqa xoolaha wuxuuna sheegay in ay guulo ka gaareen .

Abaanduulaha ciidamada milateriga ee DFKM C/kariin Yuusuf Aadan (Dhego-badan)ayaa waxaa uu sheegay in ay haatan gacantooda soo gashay magaalada Muqdisho ayna hada wixii ka danbeeya ay ku wajahan yihiin gobollada ay gacanta ku hayaan Ururka Al/Shabaab

Jen C/kariin Yuusuf Aadan (Dhego-badan) ayaa waxaa uu sheegay in ay doonayaan in ay qabsadaan wixii haatan ka danbeeya degmooyin ay ka mid yihiin, Balcad, Jowhar, Wanlaweyn, Marka, Afgooye iyo Buulo-burte, wuxuuna sheegay in ay taageero ka helayaan saaxiibadood AMISOM.

Magaalada Muqdisho ayaa saaka degan ka dib dagaalo iyo duqeymo ka dhacay shalay waxaana ay ciidamada AMISOM iyo kuwa DFKM ay wadaan dhaqdhaqaaq iyo diyaargarow iyaga oo ciidamo xoojin ah keenay goobihii shalay ay dagaalada ka dhaceen.

Taliska AMISOM ayaa dhawaan sheegtay in ay marka ay soo gaaraan ciidamada ay sugayaa ay duulaan ku qaadi doonaan degmada Afgooye iyo deegaanada ay dadka rayidka ah u bara kaceen ee ceelasha biyaha halkaas oo ka taliyaan ciidamada Al-Shabaab.

Dhanka kale Afhayeenka howlgalada Ururka Alshabaab Sheekh Abu Muscab ayaa waxaa uu wacad ku maray in ay kordhindoonaan dagaalada ay kula jiraan ciidanka AMISOM iyo kuwa DFKM ilaa inta ay dalka ka baxayaan ciidamada AMISOM iyo kuwa Itoobiya ee haatan ku sugan magaalooyinka Baydhabo iyo Baladweyne.

A\cawale
Halgan.net