.gif)
Madaxweynaha DFKM oo gaaray magaalada Addis Ababa ee dalka Itoobiya
March 13, 2012 - Written byMuqdisho:-Madaxweynaha DFKM Shariif Sheekh Axmed iyo wafdi uu hoggaaminayo ayaa maanta gaaray magaalada Addis Ababa ee xarunta dalka Itoobiya halkaas oo uga qeyb gali doono kulan gudiga amniga ee Midowga Afrika ku yeelan doonto magaalada Addis Ababa .
Socdaalka Madaxweynha DFKM ayaa ujeedadiisa waxaana warbaahinta u faahfaahiyey Wasiir u dowlaha madaxtooyada DFKM Cabdiraxiim Cabdi Abuukar wuxuuna sheegay in Madaxweyne Shariif uu casumaad rasmi ah ka helay Raisulwasaaraha dalka Itoobiya Meles Zanawi
Wasiir u dowlaha madaxtooyada DFKM ayaa sidoo kale sheegay in madaxada DFKM iyo Itoobiya ay ka wada hadli doonaan xaalada dalka Soomaaliya iyo sidii loo taageeri lahaa in ay ciidamada AMISOM ka howlgalaan deegaanada laga qabsaday Ururka Al-Shabaab.
Ciidamada Itoobiya ayaa waxay ku habsadeen qaar ka mid ah gobalada dalka Soomaaliya gaar ahaan magaalooyinka Baydhabo iyo B/weyne waxayna sheegeen in ay taageerayaan ciidamada DFKM iyo kuwa Ahlu Suna.
A/Cawale
Halgan.net
