Madaxweynaha DFKM Sheekh Shariif Sheekh Axmed oo gaaray Degmada Cadaado

Cadaado:-Madaxweynaha DFKM Shariif Sh Ahmed iyo wafdi uu hogaaminayo ayaa maanta gaaray Degmada Cadaado ee gobalka Galgaduud,wafdiga madaxweynaha ayaa waxay saaka uu ka soo kicitimeed magaalada Gaalkacyo ee xarunta gobalka Mudug.

Madaxweynaha DFKM Shariif Sh Axmed ayaa si weyn loogu soo dhoweeyey degmada Cadaado ee xarunta Maamulka Xubin iyo xeeb waxaana uu meel fagaaro ah kula hadlay dadweynihii soo dhaweeyey isaga oo khudbad u jeediyey . Madaxweynaha DFKM ayaa waxaa socdaalkiisa ku weheliya Gudoomiyaha Baarlamaanka DFKM Shariif Xasan Sh Aden ,wasiiro Xildhibaano iyo madax kale oo ka tirsan labada gole ee DFKM ay ka kooban tahay.

Madaxweynaha DFKM ayaa waxaa kulamo kale duwan la qaatay Masuuliinta Maamulka Xubin iyo Xeeb iyo waxgarad kale oo ka soo jeeda Degmada Cadaado wuxuuna ku amaanay amaanka iyo horumarka ka muuqda Degmada Cadaado.

Madaxweynaha ayaa markii uu socdaalkiisa dhameysto waxaa uu dib ugu laaban doonaa magaalada Muqdisho sida ilo wareed lagu kalsoon yahay aan ka helnay.

C/Casiis Maxamed
Halgan.net